Mebel uchun 3D QR tizimi

Har bir mebel detali
bitta QR kodda.

Bazis'dagi .b3d faylni botga tashlang — har detal uchun QR tayyor. Usta skanerlaydi: detal 3D'da yonadi, o'lchami, materiali va teshilish sxemasi telefonida. Qog'oz chizma kerak emas.

Telegramda boshlash Jonli demoni ochish →

Mutlaqo bepul · test rejimida · ro'yxatdan o'tish 1 daqiqa

1134 × 652 × 16 mm

Evrovint Ø7×18 · o'tma

LMDF · Dub Garden

Kofe Budka Pro · 3D yuklanmoqda…

—

Tanish ahvolmi?

Sexdagi har kungi muammolar —
bitta QR bilan yechiladi.

Qog'oz chizma yo'qoladi, moy bosadi, eskirgan versiyasi bilan ishlanadi.

Chizma har ustaning telefonida — doim so'nggi versiya, hech qayerda qolib ketmaydi.

Usta har savolda texnologga qo'ng'iroq qiladi, ish to'xtab turadi.

Detalni bosadi: o'lcham, material, teshilish — hammasi ekranda, savol qolmaydi.

Stolda bir nechta buyurtmaning detallari aralashib yotadi.

Qaysi detal skanerlansa — o'sha buyurtma o'zi ochiladi. Adashish yo'q.

Prisadka xato ketdi — panel brak, material va vaqt isrof.

Har teshikning diametri, chuqurligi va chetgacha masofasi aniq sxemada.

Qanday ishlaydi

Uch qadam. Tamom.

Modelni yuklang

Bazis-Mebelshik'dan .b3d faylni @detalqr_bot ga tashlang — bot o'zi o'qiydi: panellar, furnitura, teshilish, animatsiya. Parolli faylga ham yechim bor.

b3d shkaf_A12.b3d · 4,2 MB

✅ T00105 — 47 ta detal saqlandi

QR birkalarni oling

Havola va QR darhol keladi. A4 varaqda 15 tadan tayyor birka PDF — chop etib detallarga yopishtirasiz yoki havolani ustaga yuborasiz.

01_0011134×652×16 mm
Tom paneli

Skanerlang — ko'ring

Usta telefon kamerasi yoki USB skaner bilan QR'ni o'qiydi — detal 3D'da yonadi, barcha ma'lumoti ekranda. Internet uzilsa ham ishlayveradi.

Imkoniyatlar haqiqiy skrinshotlar

Ustaga kerak hamma narsa —
bitta sahifada.

Skanerladi — topildi.

QR o'qilishi bilan detal 3D modelda yonib ajraladi, qolgani shaffoflashadi. Kodi, nomi, aniq o'lchami, materiali va teshiklar soni — bitta panelda.

Butun blokni (tortma, eshik) bir bosishda tanlash
Izolyatsiya — faqat kerakli qismni qoldirish
Detallar ro'yxati va qidiruv — kod yoki nom bilan

Tanlangan detal: 3D modelda ajralib turibdi, ma'lumot panelida o'lcham va material

Teshilish sxemasi — qog'ozsiz.

Har detal uchun CAD uslubidagi 2D chizma: teshiklar diametri va chuqurligi bilan, A/B yuzalar alohida. 115 teshikli panel ham tartibli ro'yxat bilan.

Teshikni bossangiz — chetgacha X/Y masofa avtomatik
O'tma teshiklar alohida belgilanadi
Gabarit o'lchamlar va masshtab chizg'ichi

2D teshilish chizmasi: 115 teshik diametr va koordinatalari bilan

Yig'uvchi uchun — yoyilgan ko'rinish.

Slayderni suring — model havoda «yoyiladi», qaysi detal qayerga turishi darrov tushunarli. Krepyoj rangli belgilar bilan o'z joyida ko'rinadi.

Lineyka: istalgan ikki nuqta orasini o'lchash
Burchaklarga magnitday yopishadi — aniq mm
Detalni yashirish — shkaf ichini ko'rish

Yoyilgan ko'rinish (exploded view): model qismlari havoda ajralgan

Mijozga ko'rsatishga arziydigan 3D.

Panellar material nomidan o'z dekorini oladi: yog'och o'z tolasida, glyanets yaltiraydi, oynalar shaffof. Loyihadagi o'lchamlar ham 3D'da ko'rinadi.

Animatsiya: eshik-tortmalar ochilib ko'rsatadi
AR — mebel real o'lchamda xonangizda «turadi»
Skrinshot bir tugmada — Telegramga ulashing

3D model realistik teksturalar bilan: yog'och, rangli panellar, o'lchamlar

Va yana — hammasi ichida.

Hech narsa o'rnatilmaydi: barchasi oddiy brauzerda ishlaydi.

USB / Bluetooth skaner

Sexdagi kompyuterga skaner ulang — otdi, detal ekranda. Hech narsa bosilmaydi.

Kodni qo'lda kiritish

QR yirtilib ketdimi? Kodni terib ham detalni ochish mumkin.

Skan tarixi

Har bir skanerlash serverda qayd etiladi — detal topildi yoki topilmadi belgisi bilan.

Furnitura va krepyoj

Petlya, minifix, evrovint — 3D'da rangli belgilar, jami ro'yxat bilan.

Animatsiya

Eshiklar ochilib, tortmalar chiqib — mebel «jonlanadi».

AR — xonada ko'rish

Telefon orqali mebel real o'lchamda xonangizda turadi.

Oflayn ishlaydi

Bir marta ochilgan model internet uzilsa ham ishlayveradi (PWA).

Ikki til: UZ / RU

Interfeys bir tugmada almashadi — har usta o'z tilida.

Muammo xabari

Usta xatoni bir tugmada yuboradi — rasm va detal kodi bilan. Javob Telegram'da qaytadi.

O'z brendingiz

Mijoz ochadigan sahifada sizning logotipingiz va nomingiz.

Model yangilash

Qayta yuklasangiz — eski havola va QR'lar ishlayveradi.

Istalgan qurilma

Telefon, planshet, kompyuter, hatto sexdagi televizor — bitta sayt moslashadi.

Kimlar uchun

Har kim o'zinikini topadi.

Fabrika egasi

Brak va qayta kesish kamayadi
Barcha modellar va QR birkalar bir joyda
Mijoz sahifasida o'z brendi

Texnolog

Bazis'dan bitta fayl — boshqa hech narsa
Loyihadagi o'lchamlar 3D'da ko'rinadi
Yuklashda artikul-pozitsiya xatolari darhol aytiladi

Usta / yig'uvchi

Chizma telefonida — oflaynda ham
Teshikkacha masofalar avtomatik
Yoyilgan ko'rinishda yig'ish tartibi

Mijoz

Mebelini 3D'da aylantirib ko'radi
Eshik-tortmalarini ochib sinaydi
AR'da o'z xonasiga «qo'yib» ko'radi

Nima kerak bo'ladi?

Qaysi dastur?Bazis-Mebelshik (.b3d fayl). Parol qo'yilgan faylga ham yechim bor — bot beradigan skript.

Qanday qurilma?Istalgan telefon, planshet yoki kompyuter. Ilova o'rnatilmaydi — oddiy brauzer yetarli.

Skaner shartmi?Yo'q — telefon kamerasi yetadi. Xohlasangiz istalgan USB/Bluetooth QR skaner ulanadi.

Internet-chi?Bir marta ochilgan model oflaynda ham ishlayveradi — sexda aloqa uzilsa ham to'xtamaysiz.

Qaysi tilda?O'zbekcha va ruscha — bot ham, 3D sahifa ham. Bir tugmada almashadi.

Narxi qancha?Hozircha test rejimida mutlaqo bepul. Karta ham so'ralmaydi.

Ko'p beriladigan savollar

Qanday boshlayman? +

@detalqr_bot ga kirib /start bosasiz: til tanlaysiz, sex nomini yozasiz — tamom. Bot darhol tayyor namuna modelni beradi: hech narsa yuklamasdan turib QR skanerlashni sinab ko'rasiz.

Faqat Bazis fayllari ishlaydimi? +

Ha, hozircha Bazis-Mebelshik .b3d fayllari. Real teksturali .zip eksport ham qabul qilinadi.

Parol qo'yilgan .b3d faylni yuklab bo'ladimi? +

Bo'ladi. Bot /skript buyrug'i bilan maxsus skript beradi — uni Bazis ichida ishga tushirsangiz, model JSON faylga eksport bo'ladi. Shu faylni botga tashlaysiz — natija oddiy .b3d bilan bir xil.

Ustalar telefoniga ilova o'rnatish kerakmi? +

Yo'q. Havola oddiy brauzerda ochiladi. Xohlagan usta bir tugma bilan ekranga yorliq qilib qo'yadi — ilova kabi ishlaydi.

Sexda internet sust yoki yo'q bo'lsa-chi? +

Bir marta ochilgan model telefonda keshda qoladi va oflaynda ham to'liq ishlaydi — 3D, o'lchamlar, teshilish sxemasi.

QR kodlar qanday chop etiladi? +

Har model uchun A4 varaqda 15 tadan tayyor QR-birka PDF keladi: detal kodi, o'lchami va nomi bilan. Chop etib detallarga yopishtirasiz. Bazis'ning o'zida chiqarilgan birkalardagi QR ham taniladi. QR yirtilsa — kodni qo'lda terib ochish mumkin.

Modelni qayta yuklasam, eski QR'lar ishlaydimi? +

Ha. Xuddi shu artikul bilan qayta yuklasangiz bot tasdiq so'raydi, yangilangandan keyin barcha eski havola va QR'lar ishlashda davom etadi — birkalarni qayta chop etish shart emas.

Usta modelda xato topsa nima qiladi? +

Sahifadagi «xabar berish» tugmasini bosadi, muammoni yozadi — tizim model kodi, tanlangan detal va skrinshot bilan birga xabarni qabul qiladi. Ko'rib chiqilgach javob Telegram orqali sizga qaytadi.

Ma'lumotlarim boshqalarga ko'rinadimi? +

Har sexning modellari o'z havolasi ostida turadi — faqat havolani bilganlar ochadi. Boshqa brendlar sizning modellaringizni ko'rmaydi.

Jamoam bilan ishlasam bo'ladimi? +

Ha — /jamoa buyrug'i taklif havolasini beradi: xodimlaringiz alohida brend ochmasdan sizning sexingizga qo'shiladi va modellarni birga boshqarasiz.